【奶樽比較2019】Dr Browns、Pigeon、Philips Avent，仿母乳寬口奶樽大比拼
每個新手父母，在BB出生前，已經有很多事要準備，其中一樣就係選擇奶樽，其實奶樽不用太早購買，但事前必需做足功課，並留意以下重點：
1. 選擇安全物料 奶樽物料十分重要，絕對不可以買PC奶樽 (好多卡通角色奶樽都有這成份，必須小心)，因為有 Bisphenol A 這種有毒物質 (即人們常說的BPA、雙酚A，都是致癌物質)，所以買奶樽時要選擇以下幾種物料製造的奶樽： - PP (Polypropylene) - PPSU (Polyphenylsulfone) - 矽膠 (Silicon)，耐熱度> 400度，不過比較容易痴塵 - PES (Polyset Epoxy Siloxane)
2. 漏奶情況 正常奶樽係一滴一滴咁出奶，如果係柱狀咁出就唔太好啦！好易瀆到阿B，又會噴到周圍都係奶！根據衛生署的奶樽餵哺指引，滴奶速度每1-2秒流一滴就最理想喇，因為出得太慢，BB會食得好辛苦，但係如果出得太快，又驚BB會濁親。
3. 吸吮情況 每個BB對個奶咀嘅要求都唔同，有啲鐘意細咀，有啲鐘意大咀。同埋飲開人奶、或者大力B應該要用d難吸的奶樽，嘴仔唔夠力既BB應該要選易吮啲嘅奶樽！所以新手父母應該揀個啱自己BB嘅奶樽，而唔係好吮就一定岩BB！
4. 防脹氣程度、會唔會易有風 飲奶時如有風入左BB肚仔，會造成腸絞痛同脹氣，而且掃風時間會較長。
5. 正常情況下，不需要特別去買玻璃奶樽 雖然玻璃奶樽最安全、無有害物質，但易碎，而且有資料顯示玻璃樽會痴住母乳的抗體，有得選擇的話最好不要用玻璃。
6. 清潔容易度 這項係最多人會忽略的，但又係好重要嘅。要選擇配件較少的奶樽，及注意奶樽形狀，這樣就會比較容易清潔。
今次我哋根據多位陪月姨姨及多位客人的介紹，選擇咗以下3款奶樽比拼一下，分別係Dr Brown's、Pigeon、Philips Avent (排名不分先後)
1. Dr Brown's
牌子：Dr Brown's 材質：PPSU膠 產地：美國 漏奶情況：倒轉後會一滴滴咁出奶 刻度及容量：最大刻度 150ml / 5oz。有ml及oz刻度 價錢：$122
2. Pigeon
牌子：Pigeon 材質：PPSU膠 產地：中國 漏奶情況：倒轉後用力搖晃亦不會滴奶 刻度及容量：最大刻度 160ml。只有ml刻度 價錢：$149
3. Philips Avent
牌子：Avent 新安兒 材質：PA膠 產地：英國 漏奶情況：倒轉後用力搖晃亦不會滴奶 刻度及容量：最大刻度 125ml / 4oz。有ml及oz刻度 價錢：$81
Round 1：滴漏測試
奶樽如果倒轉後漏奶太勁的話，會好易整污糟周圍，又或者會瀆親BB。 結果係Pigeon同Avent都無漏奶情形，但Dr Brown's就稍為遜色喇。
Round 2：流量測試
BB飲得快定慢，其實關個奶咀窿事，如果個奶咀窿太細，BB飲唔到就會係咁吸，咁樣就會吸入太多空氣搞到有肚風！相反，如果個窿太大、啲奶流得太快，BB又會好容易瀆親、嘔奶。
結果係Pigeon最快飲完，第二係Avent，而第三係Dr Brown's。
(編按：流量快慢，並無絕對的好懷之分，最快不一定係最好，而最慢又唔一定係最差，最重要係配合BB的習慣及喜好。)
Round 3：產品質料 在2008年嘅時候，全球爆發禁止BPA奶樽的風潮，揭發出一啲奶樽會釋放致癌物質（Bisphenol A、BPA、雙酚A）。所以要選擇寫明不含BPA的奶樽，以策安全。
奶咀方面呢，一般常見乳膠製同矽膠製，壽命為8-10週。
以上測試並精準科學測試，及所有排名不分先後
